Gamlevegen frå Alstad til Grønning

Fjord
NB! Denne turen inngikk i Stikk UT! 2019.
Se turer fra Stikk UT! 2020 her »
grønn

Kort om turen

Ein enkel og fin tur på lett kupert grusveg mellom Alstad og Grønning. Passar for alle aldersgrupper. Turen går langs elva Valldøla og undervegs er det mange fine stoppunkt med vakker utsikt både til elva som kastar seg nedover med fossebrøl og til fjella ikring. 

Turbeskrivelse

NB! Det er mykje vatn i elva pga snøsmelting, og turvegen er oversvømt like ved StikkUT-kassa (16.6.)


Turen startar ved p-plassen på Gudbrandsjuvet ved Alstad. Gå 70 m langs fylkesvegen, ta til venstre, skilta mot Juvet Landskapshotell. Etter 50 m på grusveg vil du sjå eit Stikk UT! -skilt og skilt til Olavsvegen. Gå skogssti opp til høgre, ca 30 m. Ta til høgre igjen og gå vidare langs grusvegen mot Grønning. No er du på turvegen frå fjord til fjell som er opprusta ved hjelp av spelemidlar på strekninga Rem - Grønning.


Etter 600 m kryssar turvegen fylkesvegen og går vidare langs elva Valldøla. Etterkvart kjem du Løygjerdet der det er benkar og muligheit for å raste. Her finn du også StikkUT-kassa. Etter Løygjerdet blir vegen smalare og litt meir kupert. Flott utsyn ned i elva der vatnet kastar seg nedover, ekstra kraftig i vårløysinga. Vilt og vått!


Grusvegen endar på fylkesvegen litt før Grønningsgardane. Viss du vil ha ein rundtur kan du no krysse hovudvegen og følgje skogstien - Olavsvegen - tilbake til utgangspunktet på Alstad. Skilta. Dette er Olavsvegen gjennom Skjersura, oppkalla etter Heilag-Olav som rydda veg her mellom store steinar når han drog gjennom dalen rundt årsskiftet 1028/1029. No er det merka pilegrimslei her, i spora til Heilag-Olav, frå hamna i Valldal og oppover dalen, gjennom Skjersura og vidare til Grønningsæter og over høgfjellet mot Rauma. Vidare er leia merka over Lesja til Dovrefjell og heilt til Nidaros. https://pilegrimsleden.no/no/map/valldalsleden


For ein lengre tur kan du også følgje fylkesvegen vidare framover til Grønning, eller ta same rute tilbake.


Trillevenleg 
Turen følgjer lett kupert turveg på grus og er også fin for dei med hjul. Men det er to punkt som kan vere litt utfordrande; heilt i starten av turen ved Stikk UT!-skiltet (30 m i terreng), og der turvegen kryssar fylkesvegen (5 m i skråning). Det er muleg å unngå desse punkta ved å følgje grusvegar like ved, eller ved å følgje fylkesvegen det første stykket. Sjå kart.

Adkomst og parkering

Parkering ved Gudbrandsjuvet. Inga avgift. NB! I sommarsesongen er det mange turistar som stoppar her, så det kan vere utfordrande med parkering særleg midt på dagen.

Løype på kart

Lengde i km
Fast grus 1,42
Lengde tur/retur (km) 2,84
Lengde en vei (km) 1,42
Stigning Meter Grader
Total stigning 62 Høydemeter

Offentlig transport

https://www.frammr.no/
Sommarrute Valldal - Åndalsnes. Skulebuss resten av året.

Spesielle forhold

Start ved Gudbrandsjuvet som er eit stoppunkt langs Nasjonal Turistveg Trollstigen - Geiranger. Naturattraksjon med bruer og utkikkspunkt. Elvejuv med jettegryter og fossar. Open kafe i sommarsesongen.

Kart

Turkart for Norddal kommune, 1:50 000

Flest besøk 2019

Navn Besøk
Svanhild Rødskar 12
Solveig Linge Stakkestad 10
Kristi Linge Stakkestad 10
Jenny Ann Ohna 9
Jens Rekdal 8
Trude Wiik Østraat 7
Edel Anne Baardseth 7
Yvonne Dale 5
jannike madsen 5
Anne Lene Hjelle 5

Besøkslogg

Dato Antall besøk
31. oktober 1
30. oktober 3
27. oktober 3
26. oktober 2
24. oktober 1
23. oktober 3
20. oktober 4
19. oktober 7
18. oktober 1
16. oktober 2

Hovedsponsor:

Samarbeidspartnere: