Sperrenakken frå Vik

Fin tur med relativt slak stigning i kupert terreng. Toppunktet gir ei utsikt som verkeleg attspeglar det varierte landskapet på Sunnmøre. 

Frå parkeringa ved idrettshallen følger ein Storfarvegen i kring 50 meter før ein tar til høgre inn på ein skogsveg som er skilta med tursti til Myklebusthornet. Følg denne vegen opp Vikedalen i kring 1 km før ein kjem til eit veiskille og ei postkasse. Her tar ein til venstra inn på stien. PS; dersom ein bikkar over kanten ned mot Volstad kjem ein til ein gapahuk med flott utsikt. Følg stien vestover i kupert terreng i kring 1,5 km til toppen av Sperrenakken. Framme ved toppen er det ei varde og ei infotavle med bilete og info om toppane i Sunnmørsalpane.