Tjønnebru frå Sætervika (ny)

Tjønnebrua krysser elva mellom Mevatnet og Akslevollvatnet og er ein del av det nyaste løypenettet på ski i Svartløkområdet. Turen frå Sætrevika (Fylling) går i jevn stigning opp til Steinsetsætra, deretter litt småkupert før det går ned til Tjønnebruene. Her er det rastebord og stor grill.

Turen startar ved parkeringsplassen i starten av setervegen. Følg vegen til Steinsetsætra opp til første krysset der ein held til venstre og vidare opp til Steinsetsætra som er det høgaste punktet på turen. Rett etter sætra kjem ein til eit nytt kryss der ein tek til høgre. Litt småkupert terreng før du går bakkane ned til Tjønnebruene. Her må de rekne med ein del våte parti. Ein kan gå same vegen tilbake eller gå rundt Mevatnet og komme tilbake til Steinsetsætra. Turen kan også starte frå Brauta i Solnørdalen. Det er skilta til Tjønnebru derifrå.