Rjåneset (ny)

Rjåneset er eit flott turområde med ein tilnærma universelt utforma turveg med to tilrettelagte fiskebrygger. Midt i området ligg den gamle fergekaia og småbåthamna. Turvegen ligg vest for småbåthamna, og i aust er det toalettbygg og badeplass med småsteinstrand og grassletter

Vest for den gamle fergekaia er det opparbeida tilnærma universelt utforma turveg med asfaltdekke. Turvegen går først langs inngangspartiet til ei hytte/rorburekke. Dette området kan opplevast litt privat, men er like fullt ein del av den offentlege turvegen. Etter rorburekka går turvegen vidare mot Rjåneset med sittegrupper og to fiskebrygger som er tilnærma universelt utforma. Det kan vere ein fordel å unngå å fiske ved fjøre sjø då det er relativt grunnt inntil fiskebryggene. Ved enden av turvegen er det ei sittegruppe og ein bålplass. Bålplassen er ikkje universelt utforma (i 2020).

Liadalsnipa kneisar opp i sin beste profil i aust

Aust for småbåthamna er det toalettbygg og ein badeplass med flotte grassletter.